“One Battle After Another” fiton çmimin kryesor në BAFTA Awards
Filmi One Battle After Another ka triumfuar në edicionin e sivjetmë të BAFTA Awards>, duke rrëmbyer çmimin për filmin më të mirë. Komedia e zezë me regji të Paul Thomas Anderson ishte fituesja kryesore e mbrëmjes, ndërsa regjisori u shpall edhe më i miri në kategorinë përkatëse.
Çmimin për aktorin më të mirë e fitoi Robert Aramayo për filmin I Swear, ndërsa për aktoren më të mirë u vlerësua Jessie Buckley për rolin në Hamnet. Në rolet mbështetëse u shpërblyen Sean Penn dhe Wunmi Mosaku.
Ceremonia BAFTA konsiderohet si një nga treguesit kryesorë para ndarjes së çmimeve Academy Awards, që do të mbahet më 15 mars.
