Bujanoc: Kryetari Pajaziti pret përfaqësuesit e klubeve nga trojet etnike
Në prag të fillimit të Turneut Mbarëkombëtar në Futboll “Tërnoci 2025”, kryetari i komunës së Bujanocit, Arbër Pajaziti, ka pritur përfaqësuesit e klubeve pjesëmarrëse nga Durrêsi, Tetova, Peja dhe Ulqini, si dhe kordinatorët e eventit.
Gjatë dy ditëve në vijim, në komunën e Bujanocit, gjegjëissht në Tërnoc, mbahet turnue mbahet Turneut Mbarëkombëtar në Futboll “Tërnoci 2025” .
Postimi i Pajazitit pas takimit:
Pata kënaqësinë e veçantë të mirëpres përfaqësuesit e ekipeve pjesëmarrëse të Turneut Mbarëkombëtar në Futboll “Tërnoci 2025” nga Durrësi, Peja, Tetova dhe Ulqini, bashkë me koordinatorët e këtij eventi.
Ky është një moment i veçantë dhe një nder i madh për Komunën e Bujanocit që sivjet jemi nikoqirë të këtij turneu jubilar, i 20-ti me radhë.
Ky turne, i cili tashmë është shndërruar në një traditë të qëndrueshme sportive e kulturore, nuk është vetëm një ngjarje futbolli. Ai është shumë më tepër një manifestim i përbashkët i identitetit tonë kombëtar, një urë lidhëse mes shqiptarëve nga të gjitha trevat, dhe një dëshmi se sporti mund të shërbejë si mjet i fuqishëm bashkimi dhe bashkëpunimi.
Për ne si komunë, organizimi i këtij edicioni të veçantë përbën një përgjegjësi dhe një mundësi për të treguar mikpritjen, kulturën dhe energjinë rinore që e karakterizon Bujanocin.
Jam i bindur se ky turne do të jetë i suksesshëm, me gara të ndershme dhe me mesazhe të fuqishme të unitetit dhe respektit të ndërsjellë.
U uroj suksese të gjitha ekipeve dhe falënderoj organizatorët për përkushtimin që ky turne të jetë gjithnjë në nivelin më të lartë.
