Volejbollistja e KV Drita, viziton shkollën “Mulla Idriz Gjilani”, cilësohet volejbolliste e kalibrit të lartë kontinental
Nxënësit e shkollës “Mulla Idriz Gjilani” nhga Velekinca, kanë pasur fatin, mundëisnë e rastin të dëgjojnë drejtpërdrejtë këshilla nga Volejbollistja profesioniste, Venera Kadriu, shkruan faqja zyrtare e kësaj shkolle.
Po aty përshkruhet rrjedha e karrierës profesionale të volejbollstes së KV Driyta, e cila vlerësohet e bujshme, qoftë si pjesë e KV Drita ose si pjesë e ekipit të Kombëtares së Kosovës e SHBA dhe gjetiu, gjatë pesë viteve të kaluara.
“Karriera e saj e bujshme si, ish lojëtare e Klubit të Volejbollit “Drita”, pastaj pjesë e Kombëtares së Kosovës në Volejboll, pastaj si lojtare profesioniste,(për 5 vite rradhazi), në SHBA, e së fundmi edhe si lojëtare e Klubit të Volejbollit “Volley Luzern NLB” – në Luzern të Zvicrës”.
Venera Kadriu mbajti këshilla profesionale për tre orë rresht me nxënësit e shkollës, e mbi të gjitha, u tregoj për rrugën e gjatë, drejt suksesit.
“Si shkollë, e falënderojmë shumë Venerën, për këshillat dhe kohën e saj, që ndau për ne, sepse vizitat e këtilla vërtetë, sjellin freski dhe motiv tek nxënësit. Gjithashtu, falënderojmë edhe arsimtarin e lëndës së Edukatës Fizike, Gjyltekin Selimi, i cili u kujdes dhe organizoi këtë takim/vizitë”, përfunson njoftimi I postuar në faqen e shkollës në Velekincë.
