KQZ shpall rezultatet përfundimtare: VV e para me 42.30%, PDK 20.95%, LDK 18.27%, AAK-Nisma 7.06 %
Komisioni Qendror i Zgjedhjeve ka shpallur rezultatet përfundimtare të zgjedhjeve të mbajtura më 9 shkurt.
Sipas këtyre rezultateve prin Lëvizja Vetëvendosje me 396 mijë e 787 vota apo 42.30 përqind, PDK me 196 mijë vota e 474 apo 20.95 përqind, LDK me 171 mijë e 357 vota, apo 18.27 përqind dhe AAK-Nisma me 66 mijë e 256 vota apo 7.06 përqind.
Sipas këtyre rezultateve asnjëra parti nuk ka siguruar numër të mjaftueshëm për të qeverisur e vetme.
VV ka 48 deputetë, PDK 24, LDK 20, Lista Serbe 9, AAK dhe Nisma 8 deputetë.
Zgjedhjet e vitit 2025 për Kuvend të Kosovës janë të gjashtat me radhë që janë mbajtur që nga shpallja e pavarësisë së Kosovës.
Pjesëmarrja në votime ishte 46.54 përqind.
