Silvana Begaj: Gëzuar Grua 8 Marsin! Dita që në Shqipëri duhej të mos festohej, por protestohej
Dita që në Shqipëri duhej të mos festohej, por protestohej. Por përsëri: Gëzuar Grua!
Si fillim dua të uroj veten për gjithë forcën që kam pasur në përballimin e problemeve.
Sot jam Grua, dhe jo nga lindja e as nga mosha….
Dua të uroj veten se më në fund Nuk dua më të mendoj e të ëndërroj: Ah sikur të isha djal!
Dua të falenderoj mamanë time që më bëri të kuptoj se urtësia, durimi dhe ndershmëria janë të çmuara.
Pas saj dua të falenderoj motrën që më bëri të kuptoj se edhe kur jeta të jep gurë, ti mund ti kthesh në lule.
E më pas dua të falenderoj cilëndo grua luftëtare, nga ato që nuk ndalen së luftuari me sukses apo jo, që më kanë bërë të besoj dhe kuptoj se forca e një gruaje është e pamatë.
Dua patjetër të uroj dhe ato gra e nëna që ndodhen në zonat e thella të Shqipërisë dhe iu them se : Parajsa ndodhet në këmbët e nënës, prandaj rrisni djem që dinë të duan e respektojnë një Grua! Mos lejoni vazhdimin e :Çfarë më është bërë mua duhet ti bëhet dhe nuseve..
Dua të kujtoj me dhimbje dhe ato Gra që janë vrarë për shkakun e vetëm se janë Gra! Të vrara nga mentaliteti, nga babëzia e paepur e maskilistëve dhe injorancave të prapambetura.
Grua nuk quaj femrat me taka dhe me fustan apo fund. Grua quaj atë që është e veshur me mirësinë e një nëne, dashurinë e një motre dhe dinjitetin e një bashkëshorteje.
Gëzuar Grua 8 Marsin!
Dita që në Shqipëri duhej të mos festohej, por protestohej. Por përsëri: Gëzuar Grua!
