Pesë persona rrahin një burrë në Gjilan, sulmi ndodhi pas një mosmarrëveshje rreth një borxhi
Policia e Kosovës ka njoftuar se pesë persona dyshohet se kanë rrahur një tjetër në Gjilan.
Në raportin 24 orësh, policia ka treguar se kjo ka ndodhur shkaku i një borxhi.
Policia ka bërë me dije se personat që e kanë sulmua personin në fjalë janë arratisur, kurse viktima ka marrë tretmanin e duhur mjekësor.
“Viktima mashkull kosovar, ka pranuar tretman mjekësor pasi që i njëjti dyshohet se pas një mosmarrëveshje rreth një borxhi është sulmuar fizikisht nga pesë persona, ku njëri prej tyre ka përdorur një mjetë të mprehtë-thikë. Viktima pas tretmanit mjekësor është liruar, ndërsa të dyshuarit janë larguar nga vendi i ngjarjes dhe gjenden në arrati, rasti nën hetime”, është thënë në raportin 24 orësh të Policisë së Kosovës.
