Policia – Gjilan: Arrestohet i dyshuari për vjedhje

Gjilan, 12 shkurt 2025 – Njësiti i Hetimeve të Stacionit Policor në Gjilan me datën 11 shkurt 2025, si rezultat i ndërmarrjes së veprimeve të shpejta dhe efikase operative e hetimore, ka arritur që të identifikoj, lokalizoj dhe arrestoj të dyshuarin D. M. (viti i lindjes 1992, meshkull kosovar).

Arrestimi i tij është bërë me dyshimin e përfshirjes së tij në të paktën dy raste të vjedhjeve të rënda, raste të ndodhura gjatë muajit shkurt të vitit 2025. Pas arrestimit nga të dyshuarit janë sekuestruar dëshmi të cilat do të përdoren në Gjykatë.

I dyshuari është intervistuar në prezencën e avokatëve mbrojtës dhe me vendim të Prokurorit të Shtetit është ndaluar në qendrën e mbajtjes për 48 orë. Rasti me kallëzim penal procedohet në Prokurorinë Themelore.