Nga Gjermania për në Viti është nisur një donacion i rëndësishëm që do të ndihmojë zjarrfikësit
Në një postim në faqen e saj, Komuna e Vitisë, duke iu referuar pershkrimit të kryetarit Sokol Haliti, ka njoftuar se së shpejti do të arrijë një kamion si donancion për nevojat e zjarrëfikësve, shkruan TV Gjilani.
“Komuna jonë së shpejti do të pajiset me disa automjete dhe disa pajisje, të cilat do të jenë në shërbim të Njësisë Profesionale të Zjarrfikjes dhe Shpëtimit në Viti”, ka shkruar Haliti.
“Ky donacion u bë i mundur falë përkushtimit dhe vullnetit të bashkatdhetarit tonë nga Binça e Vitisë, z. Vilson Gega, i cili bashkëpunoj ngushtë me autoritetet gjermane dhe komunën e Vitisë, që të sjellim këtë donacion shumë të rëndësishëm në Viti”, ka vijuar më tej Haliti ndërsa përcjell faqja e komunës së Vitisë.
“Kjo ndihmë do të lehtësoj punën për zjarrfikësit tanë në misionin e tyre të mbrojtjes së jetës dhe pasurinë e qytetarëve tanë. Dua të falënderoj nga zemra z. Gegën, përfaqësuesit gjermanë dhe të gjithë atyre që janë angazhuar që ky donacion të nisët për Viti. Ju faleminderit!”, ka përfunduar njoftimi.
