Viti: Kreu i Komunës, Sokol Haliti dhe u.d drejtori i Agjencisë për Ndihmë Juridike Falas, shqyrtojnë mundësinë e hapjes së zyrës
Kryetari Haliti priti në takim u.d e drejtorit të Agjencisë për Ndihmë Juridike Falas, u fol për mundësinë e hapjes së një zyre në Viti.
Kryetari i komunës së Vitisë, Sokol Haliti dhe zëvendësi i tij, Hasan Aliu, kanë pritur sot në takim ushtruesin e detyre së drejtorit të Agjencisë për Ndihmë Juridike Falas, z. Faton Jashari i shoqëruar nga zyrtari ligjor i kësaj zyre në Gjilan, z. Sokol Haziri.
Me këtë rast ata kanë bashkëbiseduar për mundësinë e hapjes së Zyrës për Ndihmë Juridike falas në Viti, ku do të ofrohet qasje e barabartë të qytetarëve në drejtësi, jo vetëm atyre nga komuna e Vitisë por edhe të komunave për rreth. Me këtë rast kryetari Haliti tha se ai është i gatshëm të bashkëpunoj me këtë institucion që kjo zyre të hapët në Viti.
