Kamenicë: Mbahet debati për transportin publik falas, kryetari Rahimaj thekson se benefitet janë të shumëta
Kryetari i Komunës së Kamenicës, Kadri Rahimaj, ka marrë pjesë në tryezën e rrumbullakët për lansimin e raportit lidhur me iniciativën e transportit publik falas në Komunën e Kamenicës.
Kjo tryezë e cila u organizua nga fondacionin ‘Friedrich Ebert Stiftung’ kishte për qëllim që të shfaq rezultatet e transportit publik falas i cili ishte i organizuar për Komunën e Kamenicës rreth një muaj.
I pari i komunës duke falënderuar fondacionin FES për iniciativën që kishin marr në Kamenicë për transport falas, theksoi se një nga nevojat më të mëdha të qytetarëve është edhe transporti falas, e që sipas tij kjo gjë ka qenë mjaft e mirëpritur nga kamenicasit.
Ndër të tjera Kryetari Rahimaj theksoi se një gjë e tillë i shërben komunitetit për të kryer më lehtë punët e tyre të përditshme e poashtu redukton edhe përdorimin e veturave të shumta, si dhe ruan ambientin e gjelbër.
Në këtë tryezë të pranishëm ishin edhe përfaqësues nga FES si Rudina Nallbani Hoxha-menaxhere e programeve, Prof.Ass Ramadan Mazreku nga Departamenti i Trafikut dhe Teansportit në Faluktetin e Inxhinierisë, Diana Vllasaliu nga IDRA e cila paraqiti rezultatet e hulumtimit dhe gjetjet mbi efektivitetin e transportit falas për qytetarët.
Ajo tha se rekomandimet kryesore nga ky hulumtim janë:
Përmirësimi i linjave të autobusëve, fushatë ndërgjegjësuese për transport falas, përmirësimi i qasjes, krijimi i hapësirave për persona me çasje të kufizuar, shfrytëzimi subvencioneve në dispozicion.
