Gjilan: Drejtori për Zhvillim Ekonomik, Enver Shabani: Realizimi i projektit të ri të “Stacionit të Autobusave” fillon më 2025, përfundon më 2026
Drejtori i Drejtorisë për Zhvillim Ekonomik z. Enver Shabani është pritur në takim nga Kryeshefi ekzekutiv z. Burhan Isufi dhe Stafi menaxhues i Ndërrmarjes Publike Lokale “Stacioni Autobusëve” Gjilan.
Qëllimi i këtij takimi ka qenë diskutimi rreth fillimit të ndërtimit të ri të Stacionit të Autobusave në Gjilan, i cili projekt është pjesë e një marrëveshje bashkëpunimi të nënshkruar mes Komunës së Gjilanit dhe Ministrisë së Administrimit dhe Pushtetit Lokal (MAPL), e cila synon përmirësimin e infrastrukturës së transportit publik në këtë komunë.
Vlera e përgjithëshme këtij projekti është 1,136,010.34 € dhe kohëzgjatja e përfundimit të këtij projekti është për dy vite 2025-2026.
Gjatë takimit është bashkëbiseduar për të bashkërenditur të gjitha aktivitetet dhe nevojat e zhvillimit të mëtutjeshëm të kësaj ndërmarje, si digjitalizimi i të gjitha shërbimeve ndaj Qytetarëve dhe Operatorëve Ekonomik , dhe për fillimin e zbatimit të menaxhimit sa më efikas të parkingjeve publike-komunale.
