Kreu i AAK-së në Gjilan, Nazim Gagica pret në takim të parin e KK Gjilan, Kushtrim Kadriu, diskutojnë tema me interes për qytetarët
Në takimin e zhvilluar në selinë e degës së AAK-së, mes kreut të degës, Nazim Gagica, dhe kryetares së Gruas së Aleancës, Zarife Asllan, në njërën anë, me kreun e Kuvendit Komunal, Kushtrim Kadriu, në anën tjetër, në selinë e degës së AAK-së, janë diskutuar një mori temash me interes.
Me këtë rast janë debatuar tema, si arsimi, shëndetësia, kultura e sportin, si dhe infrastruktura rrugore, dhe me theks të veçantë – puna e Kuvendit Komunal, shkruan Tv Gjilani.
“Kryetari Gagica ka kërkuar nga i pari i Kuvendit Komunal, Kushtrim Kadriu, që të gjejë rrugëdalje në mënyrë që të mbyllet tema e buxhetit komunal si nevojë për qytetarët e Gjilanit. Po ashtu, Gagica ka kërkuar respektim të rekomandimeve të Qeverisë përkatësisht MAPL-së, lidhur me buxhetin e propozuar si dhe harmonizimin e qëndrimeve mes ekzekutivit dhe legjislativit”, thuhet në njoftimin e zyrës për informim të AAK-së.
“Aleanca asnjëherë nuk ka qenë pengesë për tema me interes për qytetarët, nuk do të jetë as tani e në të ardhmen. Aleanca vazhdon të mbetet gardiane e pakompromisë e interesit qytetar”, përfundon njoftimi, raporton TV Gjilani.
