Viti: Vazhdohet me sanimin dhe rivitalizimin e rrugëve në lokalitetet e komunës së Vitisë

Projekti i sanimit dhe rivitalizimit të rrugës “Sylejman Aga”në Pozheran është në realizim e sipër dhe punimet në këtë rrugë, i ka përcjellur nga afër edhe kryetari i komunës, Sokol Haliti.

Ai me këtë rast ka ri-theksuar se Institucionet komunale po vazhdojnë me përkushtim në ri-vitalizimin e infrastrukturës rrugore nëpër fshatrat e kësaj komune.

Haliti ka përmendur edhe projektet e shumta që janë duke u realizuar e që lidhin lokalitetet mes vete. Rruga që është asfaltuar sot është degëzim nga rruga kryesore dhe që shpie tek xhamia e Pozheranit.