Gjilan: Asambleisti i LDK-së, Gentrit Murseli, “rrëmben” dy cmime për performancë efektive në Kuvend
Përmes një njoftimi të publikuar në rrjeete sociale, asambleisti i LDK-së në Komunën e Gjilanit, Gentrit Murseli, ka bërë të ditur se ka fituar dy cmime të rëndësishme për performancë në kontinuitetin e aktiviteteve të tij në Kuvendin e Komunës së Gjilanit.
“Të dashur miq: Me emocione të jashtëzakonshme ju njoftoj se në bazë të vlerësimit të performancës të rreth 180 anëtarëve të kuvendeve komunale, jam shpërblyer me dy çmimet kryesore.
1.Anëtari më aktiv në Kuvendin e Komunës në Gjilan.
2.Anëtari më aktiv nga të gjitha Komunat e monitoruara!”, ka shkruar ai.
Murseli më tej ka falënderuar bartësit e projektit, organizatat DEMOS dhe IKD, si dhe donatorët: Zyra e BE-së në Kosovë, Ambasadave e Zvicrës dhe ajo e Suedisë.
Ai poashtu ka falënderuar kolegët e tij këshilltarë komunalë nga radhët e partisë së cilës i përket – Lidhjes Demokratike të Kosovës – dega në Gjilan, si dhe kuvendarët tjerë në këtë komunë, të cilët e kanë mbështetur në ato që i ka cilësuar “iniciativa të tij buxhetore/legjislative”, duke nënvizuar përshkrimin me konstatimin se “pa ta ky rezultat nuk do të ishte arritur!”.
