Zyrtare: Gentrit Murseli kandidon për deputet nga radhët e LDK-së

Pas një angazhimi të gjatë në politikën lokale dhe përfaqësimit aktiv në Kuvendin Komunal të Gjilanit, Gentrit Murseli ka vendosur t’i hyjë zyrtarisht garës për deputet në Kuvendin e Kosovës.

Murseli është bërë i njohur për qasjen e tij aktive në debatet publike, ngritjen e çështjeve me interes për qytetarët dhe përfshirjen në iniciativa të ndryshme brenda nivelit lokal.

Ai njihet si një nga asambleistët më konstruktivë në Gjilan, ndërsa në një nga raportet vlerësuese të mekanizmave institucionalë që lidhen me Ministrinë e Administrimit të Pushtetit Lokal (MAPL), është vlerësuar si këshilltari komunal më aktiv në nivel vendi.

Kandidimi i tij pritet të sjellë dinamikë shtesë në garën për zgjedhjet e ardhshme parlamentare.