![Dita e ndeshjeve kthyese në gjysmëfinale të Kupës së Kosovës](https://tvgjilani.com/wp-content/uploads/2024/04/kupa-e-kosoves-e1675084647893-780x439-1.jpg)
Dita e ndeshjeve kthyese në gjysmëfinale të Kupës së Kosovës
Sot (e mërkurë) janë në orar për t’u zhvilluar dy ndeshjet kthyese në kuadër të gjysmëfinales së Kupës së Kosovës.
![](https://tvgjilani.com/wp-content/uploads/2024/04/vali-ranch-2.jpg)
Një javë pas shtyrjes së këtyre ndeshjeve, tani ka ardhur koha dhe momenti për të mësuar dy finalistët e Kupës së Kosovës për edicionin 2023/24.
Në ndeshjen e parë dhe më të fortë padyshim, Drita pret Prishtinën në stadiumin e bari artificial në Gjilan, me fillim nga ora 15:00.
Djelmoshat e Zekirija Ramadanit do të kërkojnë fitoren dhe kalimin në finale pasi ndeshja e parë u mbyll 0-0.
Ndeshja tjetër është ajo e derbit lokal, ku Ballkani është nikoqir i Suharekës në “Stadiumin e Qytetit”, me fillim nga ora 15:00.
Në ndeshjen e parë, ekipi i Ilir Dajës ka fituar me rezultat 1-0 dhe synon ta ruaj epërsinë për të siguruar kalimin në finale.
![](https://tvgjilani.com/wp-content/uploads/2023/11/libertas2.jpg)