SC Gjilani inauguron hapësirat e reja në stadiumin sintetik, mbanë konferencë me media
Sport Club Gjilani ka njoftuar mediat se të premten më 19 prill 2024 do të inaugurohen hapësirat e reja në stadiumin me barë sintetik në Gjilan.
Në njoftimin për media bëhet e ditur se në ceremoninë inauguruese do të marrin pjesë zyrtarë të klubit dhe akterë tjerë, me prani të pashmangshme të aksionarëve të kësaj skuadre.
“Sport Club Gjilani ju fton në inagurimin e ambienteve të reja të klubit këtë të premte (19 Prill) në objektin e fushës sintetike në Rrugën e Kumanovës në Gjilan”, thuhet në njoftim.
Sipas njoftimit bëhet e ditur se SC Gjilani do të mbajë një konferencë enkas me gazetarë, e cila do t’i paraprijë konferencave të përhershme që skuadra mëton të praktikojë në të ardhmen e saj garuese.
“Gjithashtu, klubi do të mbajë konferencë për media nga ora 16.00 në lidhje me ndeshjen kampionale ndaj Feronikeli ’74. Para gazetarëve do të flasin Gentjan Mezani, kryetrajner i ekipit, dhe Edison Kqiku, kapiten i pare”, thuhet më tej në njoftim.
