Bukowski: Shprehni atë që ndjeni, mos keni frikë nga pasojat…
Henry Charles Bukowski ka qenë një poet dhe shkrimtar i njohur. Ai ka lënë pas 6 romane, disa tregime, dhjetëra poezi dhe aforizma.
Në vazhdim do të keni mundësinë të lexoni disa nga thëniet më të bukura të Bukowskit për dashurinë :
“Doja ta thoja me zë të lartë atë që ndieja, por qëndrova i heshtur nga frika se nuk do të më kuptonin”
“Një nga ndjesitë më të bukura në botë është kur përqafon dikë dhe ai person të shtrëngon akoma më fort mbrapsht”.
“Unë nuk kam nevojë për dikë që të më përsërisë vazhdimisht se do të jetë aty, se nuk do të më lëshojë, apo se nuk do të më tradhëtojë kurrë. Më mjafton dikush që në të gjitha rastet që të më dërgojë në djall, sërish të rikthehet tek unë”.
“Shpreheni atë që ndjeni. Mos kini frikë nga pasojat, sepse koha nuk fal asnjë. Dashuroni, urreni, shpreheni çdo emocion të fortë që po përjetoni. Njerëzit janë spektakli më i bukur në botë, dhe për të cilin nuk paguhet ndonjë biletë”.
Mua më pëlqejnë personat e hutuar, ata që sapo i përqafon duken të plotë, ndërkohë që më parë të dukeshin të thyer në mijëra copëza”.
“Mund të them se dashuria është si alkooli. E provon një herë, të trullos kokën, por sërish do një gotë tjetër, një tjetër, e kështu me radhë. Të bën të ndihesh keq, aq keq sa nuk do ta provosh më. Por, më vonë, që me gotën e parë do të tundohesh dhe nuk do të thuash dot “Jo””.
“Asnjë marrëdhënie nuk është një humbje kohe: nëse personi tjetër nuk të ka dhënë atë që kërkoje, dije se të ka mësuar gjënë për të cilën kishe vërtet nevojë”.
BUKOWSKI: TË DASHURUARIT JANË TË RREZIKSHËM
Ja çfarë thotë për të dashuruarit, Charles Bukowski, në librin e tij shumë të përmendur “Femrat”:
Ndihesha i lumtur që nuk kisha rënë në dashuri, që midis meje dhe botës mbarë nuk kishte paqe. Isha gati t’i shpallja luftë kujtdo qoftë. Në më të shumtën e rasteve, të dashuruarit janë krijesa nevrastenike e ndonjëherë bëhen të rrezikshëm. E humbasin sensin e realitetit, pa zënë në gojë edhe atë pak sens humori që mund t’iu ketë mbetur. Simptomat më të rënda janë psikopatia, pezmi dhe mllefi . Madje mund të arrijnë deri në atë pikë sa të vrasin edhe njerëz.
