Klubi i Futbollit Ballkani krahas rezultateve të jashtëzakonshme

FC Ballkani krahas rezultateve të jashëtzakonshme në rrafshin ndërkombëtar, ka vijuar me strukturimin e brendshëm në klub, si domosdoshmëri e mëtejme dhe nevojë e kohës.Klubi nga Theranda ka angazhuar gazetarin e njohur nga qyteza e Therandës në cilësinë e drejtorit për Media e Marketing. “Kemi kënaqësinë që ta prezantojmë Kushtrim Reshitaj si drejtor për Media dhe Marketing. Gazetari i njohur nga Suhareka në vazhdimësi ka qenë ndër vite prej promotorëve të klubit tonë futbollistik dhe në përgjithësi sportit suharekas, kurse dikur ishte edhe portier i të gjitha gjeneratave të reja të Ballkanit”, thuhet në njoftim. Klubi i ka uruar mirëseardhje Reshitaj, në detyrën e re, duke i dëshiruar njëherit suksese në rrugëtimin e përbashkët.