Komuna e Prishtinës sot do shënon “Ditën pa makina”, mbyllet rruga “Dëshmorët e kombit”
Komuna e Prishtinës sot do të shënojë aktivitetin “Ditën pa makina” në kryeqytet.
Sipas njoftimit, nga ora 10:00 deri në orën 15:00 do të mbyllet për qarkullim të veturave rruga “Dëshmorët e kombit” [nga bulevardi ‘Xhorxh Bush’ deri te Rrethi i Flamurit].
“Ndërsa, ju qytetarë të dashur mund të merrni me qera, pa pagesë, njërën nga 160 biçikletat ose 60 trotinetët për qarkullim nga fillimi i kësaj rruge deri në fund (rrethi i Flamurit). Pavarësisht se çfarë zgjedhje bëni, kujdesuni për mjedisin dhe bëni ndryshime të vogla në jetën tuaj për të ndihmuar në mbrojtjen e planetit tonë”, thuhet në njoftim.
Ndërkaq nga ora 11:00, Ministria e Mjedisit, Planifikimit Hapësinor dhe Infrastrukturës në bashkë organizim me Ministrinë e Arsimit, Shkencës, Teknologjisë dhe Inovacionit, Policinë e Kosovës, Komunën e Prishtinës, OJQ-në “Marakli t’biciklave”, shënojnë “Ditën Ndërkombëtare Pa Makina”, në Rruga “Dëshmorët e Kombit”.
“Dita pa makina”, një ngjarje ndërkombëtare, e cila organizohet në 2000 qytete të Botës, dhe që ka për qëllim inkurajimin e qytetarëve që t’i përdorin sa më pak makinat për transport, e në vend të tyre të shfrytëzojnë transportin publik apo biçikletat
