KV Drita – femrat, fillon përgatitjet për edicionin e ri me ambicie të zakonshme – titullin, kupën dhe garat ndërkombëtare
Klubi i Volejbollit Drita në kategorinë e femrave, vazhdon traditën e përhershme përgatitore, për t’i qëndruar besnike rutinës tradicionale të imperativit të saj në fazën përgatitore për një edicion të ri e të panjohur që e pret, porse me qëllime e synime të qarta, të zakonshme e të përhershme në kontinuitetin e traditës mbi 30 vjeçare që e ka përcjellur volejbollin e kësaj skuadre.
“Fillojmë përgatitjet për Kampionatin 2023/2024”, shkruan faqja zyrtare.
“KV DRITA pas thuajse kompletimit të fondit të lojtareve ka filluar edhe përgatitjet për stinorin e ri ku e presin gara të rëndësishme. Fillimisht, nga 19 deri më 21 shtator Kupa Ballkanike “BVA Cup Ëomen”, e mandej edhe garat në Kampionatin e Kosovës 2023/2024; Kupa e FVK-së 2023; Kupa Pavarësisë 2023; Liga ”Gjergj Kastrioti-Skënderbeu” dhe në fund “Kupa Kosovës 2024”, shkrun faqja zyrtare e klubit, duke iu referuar të gjitha kompeticioneve që e presin skuadrën në rrjedhën e mëtejme të garave, e që kanë imperativ përgatitjet adekuate për një orar aq të ngjeshur të sfidave garuese që e presin!
