Përmbyset makina me prindërit dhe tre fëmijët brenda
Një aksident është shënuar këtë pasdite, rreth orës 18:00 në aksin rrugorë Lushnje-Berat, pranë fshatit Stan Karbunarë.
Mësohet se një drejtues mjeti, 42-vjeçari me inicialet D. F., ka humbur kontrollin mbi automjetin dhe për pasojë ka dal nga rruga me dëme të shumta.
Në makinë me të ndodheshin edhe anëtarët e tjerë të familjes së tij përfshirë bashkëshorten dhe 3 fëmijët e tyre të mitur.
Si pasojë e daljes nga rruga të mjetit, është dëmtuar drejtuesi, bashkëshortja e tij, 37-vjeçarja me inicialet E. F., dhe fëmijët të moshave 14 vjeç, 13 vjeç dhe 7 vjeç, të cilët ndodhen në spitalin e Lushnjes nën kujdesin e mjekëve.
