Çmimet e larta në Shqipëri, pushimet verore vetëm për dy ditë
Sezoni turistik ka bërë që çmimet e produkteve të shënojnë rritje në Shqipëri. Kështu thonë disa qytetarë që tashmë kanë kaluar pushimin verore në bregdetin shqiptar. Sipas tyre, krahasim me vitin e kaluar, këtë vit çmimet janë dyfish më të larta. Si pasojë e kësaj, disa nga ata kanë vendosur të mos shkojnë në Shqipëri, e disa të tjerë shkojnë vetëm për ditët e vikendit.
Mirëpo, për disa të tjerë, çmimet nuk janë mjaft problematike për të pushuar këtë vit jashtë Kosovës. Agjensioni Turistik “Fibula”, këtë vit ka shënuar rritje të numrit të qytetarëve që duan të shkojnë në pushime jashtë vendit.
Fetihe Sipahu nga kjo agjenci thotë për KosovaPress se vendi më i preferuar që po zgjedhin kosovarët këtë vit është Turqia. Ndërsa, sa i përket Shqipërisë, vendi më i frekuentuar është Vlora.
Sa i përket çmimeve, Sipahu tha se për Shqipëri është 110 euro për person me të gjitha shpenzimet e përfshira.
Këto çmime nuk mund t’i përballojnë edhe një pjesë tjetër e qytetarëve. Sipas qytetarit, Naser Lika çmimet në Shqipëri kanë shënuar rritje drastike.
Edhe për një qytetar tjetër, i cili ka dashur të mbesë anonim, çmimet janë të larta.
Se çmimet kanë shënuar rritje e thonë edhe qytetarët që tashmë i kanë kaluar pushimet në Shqipëri.
Liridon Musa, i cili ka qenë në pushime me familje, pohon se këtë vit ka rritje të çmimeve.
Edhe për qytetarin, Drilon Miftari, çmimet këtë vit nuk kanë qenë të arsyeshme.
Lajmi i plotë është në sistemin me parapagim.
Ndërsa, sipas Agjencisë së Statistikave të Kosovës (ASK), 43 për qind e kosovarëve nuk janë në gjendje të kenë një shpenzim të menjëhershëm të shumës 100 euro./E. Krasniqi/ Burimi:Kosova Sot
