Policia e trafikut – Gjilan: Tejkalojnë shpejtësinë, kundërvajtësit i merret patentë shoferi
Gjilan, 09 Korrik 2023 – Drejtoria rajonale e Policisë Gjilan, Policia e Kosovës stacioni policor në Viti, kanë identifikuar vozitësin i cili duke drejtuar automjetin e tij, kishte fotografuar matësin e shpejtësisë dhe foton e kishte postuar në rrjetin social “Tik-Tok”, ku shihet se ka tejkaluar shpejtësinë në zonë ku sipas shenjës së trafiku shpejtësia ishte e lejuar 80 Km/h gjersa ka tejkaluar në 140 km/h.
Me këto veprim ai ka rrezikuar pjesëmarrësit e tjerë në komunikacion dhe kanë rënë ndesh me rregullat e komunikacionit rrugor.
Ndaj kundërvajtësit është shqiptuar gjobë prej treqind euro (300) euro, tri (3) pikë negative dhe masën mbrojtëse në afat prej tre (3) muaj, ka njoftuar, Toger Ismet Hashani.
Drejtoria Rajonale e Policisë në Gjilan, inkurajon mediat dhe qytetarët që për të gjitha kundërvajtjet mund të njoftojnë stacionin më të afërm të Policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 03850807001. Të dhënat e juaja do të ruhen ne konfidencialitet të plotë.
