Koncerti i Ramë Lahajt në Ulqin bën bashkë Edi Ramën dhe Vjosa Osmanin
Koncerti i tenorit kosovar Ramë Lahaj në Ulqin, ishte shkas që të bëhen bashkë kryeministri i Malit të Zi, Dritan Abazoviq ai Shqipërisë, Edi Rama dhe presidentja e Kosovës, Vjosa Osmani.
Lajmin e ka bërë të ditur Agim Shahini – kryetar i Aleancës Kosovare të Bizneseve (AKB), përmes një postimi në Facebook.
Sipas Shahinit, në koncert ishin të pranishëm edhe shumë ministra, deputet e kryetarë të komunave nga tri shtetet.
“AKB gjithmonë bashkë për të mirën e ekonomisë dhe kulturës Kombëtare. Komuna e Ulqinit shembull për të mirën e kulturës shqiptare”, ka shkruar Shahini.
Me rastin e hapjes së sezonit turistik në Ulqin, sonte ka mbajtur koncert tenori i mirënjohur kosovar, Ramë Lahaj.
Organizatorë të kësaj ngjarje të rëndësishëm janë Komuna e Ulqinit, Organizata Turistike, Qendra për Kulturë dhe Ministria e Zhvillimit Ekonomik dhe Turizmit e Malit të Zi.
Burimi i lajmit: /Telegrafi/
