Marko Simonovski e Almir Kryeziu, largimet e radhës nga Drita
Drita dhe Marko Simonovski e Almir Kryeziu i kanë ndarë rrugët pas dy sezoneve të kaluara së bashku.
Klubi gjilanas ka vazhduar me ndryshime apo më saktë me largime pas përfundimit të sezonit 2022/23.
Pas Hamdi Namanit, Ilir Blakqorit dhe Ardian Limanit, Simonovski është largimi i radhës nga Drita.
“Marko Simonovski dhe klubi ynë kanë mbyllur bashkëpunimin pas përfundimit të kontratës mes dy palëve”, thuhet në njoftimin e klubit gjilanas.
E poashtu klubi gjilanas ka njoftuar edhe për përfundimine bashkëpunimit me Almir Kryeziun.
“Ju njoftojmë që me marrëveshje të dyanshme kemi mbyllur bashkëpunimin me Almir Kryeziun. Kryeziu erdhi te ne në sezonin 2021/2022 dhe gjatë periudhës dy vjeçare arriti 65 paraqitje me klubin në të gjitha kompeticionet, duke shënuar 6 gola dhe duke asistuar 10 herë”, thuhet në njoftim zyrtar.
