Promovohet 30 vjetori i veprimtarisë letrare i autorit Halim Hasani

Njoftohen adhuruesit e fjalë së shkruar artistike, se të shtunën e 27 majit të këtij viti, në ora 12:00h, do të promovohet 30-vjetori i veprimtarisë letrare i autorit Halim Hasani nga Dobrosini.

Tri dekada të veprimtarisë letrare të Halim Hasanit, janë një thesar i pasur kulturor në zhanre të ndryshme të krijimtarisë artistike, duke u fokusuar më shumë në krijimin e aforizmit.

Nga korpusi letrar, rreth 30-vjeçar, Halim Hasanit ka publikuar 10 libra me aforizma e disa të tjera nga fusha e publicistikës.

Libri i parë i tij mban titullin “Aforizma të kohës”, që e pa dritën e botimit, në vitin 1993, për të vazhduar me librin e dytë “Dobrosini kështjellë e rezistencës kombëtare” ( 2003), më pas me “200 aforizma” (2005), “Në mes historisë dhe legjendës, Dobrosini, skicë monografike” (2006), “Aforizma bashkëkohor” (2008), “Yjet e lirisë” (2010), “Aforizma” (2010), “Fjalë nëpër kohë” (2012), “Ylli i vogël” (2012), “1021 aforizma” (20012), “Fjali pa mahi” (2013) dhe “Aforizma 2400” (2016), për të vazhduar me librin e radhës në vazhdim “ 3000 aforizma” (2019) dhe ky i fundit “4000 Aforizma” (Fjalë të urta, konstatime, shprehje frazeologjizma etj. 2022)

Kritika letrare i ka vlerësuar lart librat me aforizma të Halim Hasanit, duke e quajtur atë, herë si mjeshtër i aforizmit e herë si maestro, apo legjenda e aforistikës shqiptare.

Mos e humbasni këtë eveniment të lartë kulturor, i cili me pjesëmarrjen e adhuruesve të fjalës artistike do ta nderojë autorin dhe veprën e lartpërmendur. Jeni të mirëseardhur! /Perspektiva/