Gjendet pa shenja jete një i mitur në Viti
Një person është gjetur pa shenja jete në oborrin e shtëpisë së tij në fshatin Sadovinë e Jerlive të Vitisë.
Policia në raportin 24 orësh ka njoftuar se rasti ka ndodhur dje rreth orës 12:25, dhe se viktima është mashkull.
“Viktima, nga familjarët ishte dërguar në QKMF, por mjekët kanë konstatuar se viktima është pa shenja jete”, thuhet në raport.
Njësitet policore kanë dalë në vendin e ngjarjes, ndërsa në konsultim me prokurorin trupi i pajetë i viktimës është dërguar në IML për obduksion. Rasti është duke u hetuar.
Ndërkaq zëdhënësi i policisë për rajonin e Gjilanit, Ismet Hashani ka bërë të ditur se viktima ishte i mitur. Hashani nuk ka dhënë detaje tjera duke thënë se për raste të tilla ku përshihen të miturit t’i drejtohemi Prokurorisë.
“Prokuroria Themelore në Gjilan, këtë rast e ka cilësuar si vdekje e dyshimtë dhe ka urdhëruar që trupi i pa jetë i viktimës të dërgohet për autopsi në Institutin e Mjekësisë Ligjore në Prishtinë”, thuhet në përgjigjen e tyre.
