Aktivitete javore për periudhën 21.04.2023 deri më 27.04.2023
KOMUNIKATË PËR MEDIA
Gjilan, 28 prill 2023
Incidente——————————————————— 37
Persona të arrestuar ——————————————– 09
Aksidente trafiku me lëndime ———————————-21
Aksidente trafiku me dëme materiale pa lëndime ———— 18
Tiketa ———————————————————– 909
Dokumente të konfiskuara————————————- 25
Arrestohet i dyshuari për armëmbajtje pa leje
Gjilan, 25 prill 2023
Drejtoria rajonale e Policisë Gjilan, stacioni Policor Novobërdë me datën 24.04.2023 ka pranuar informacion për të shtëna me armë zjarri në fshatin Makresh komuna e Novobërdës.
Njësitet policore i janë përgjigjur rastin duke lokalizuar, identifikuar dhe arrestuar të dyshuarin S.S. (viti i lindjes 1980, mashkull kosovar serb). Me urdhër të prokurorit të shtetit është kontrolluar shtëpia dhe objektet përcjellëse të të dyshuarit me ç ‘rast janë gjetur dhe konfiskuar dëshmi për gjykatën një (1) armë automatike AK-47, njëzet e dy (22) copë fishekë të kalibrit 7.62 mm dhe një (1) karikator.
Prokurori i shtetit ndaj të dyshuarit ka lëshuar masën e ndalimit për 48 orë dhe ndaj tij do të ngritët kallëzim penal për veprat penale ,,Shkaktim i rrezikut të përgjithshëm’’ dhe ,,Mbajtje në pronësi, kontrollë ose posedim të paautorizuar të armëve’’, rasti do të procedohet në prokurorinë themelor.
Republika e Kosovës Republika Kosova – Republic of Kosovo Qeveria – Vlada – Government Ministria e Punëve të Brendshme Ministarstvo Unutrašnjih Poslova / Ministry of Internal Affairs Policia e Kosovës/Policija Kosova/Kosovo Police Drejtoria e Përgjithshme e Policisë/ Generalna Policijska Direkcija/General Police Directorate Gjilan
Vrasje në tentativë
Kamenicë, 26 prill 2023
Me datën 26.04.2023 rreth orës 02:35 stacioni policor në Kamenicë, nga viktima mashkull kosovar është njoftuar se ka vërejtur një të dyshuar deri me tani të pa njohur duke tentuar që të kryej vjedhje në një vend punishte ku viktima ishte duke punuar. Sapo viktima e ka pyetur se kush jeni ju, i dyshuari ka shtënë me armë zjarri në drejtim të viktimës me ç’rast e ka plagosur.
I dyshuari ka ikur nga vendi i ngjarjes ndërsa viktima është duke u trajtuar në spitalin rajonal të Gjilanit dhe gjendja e tij është stabile. Njësitë relevante policore kanë dalë në vendin e ngjarjes, ku kanë gjetur dhe sekuestruar për procedura të mëtutjeshme hetimore një gëzhojë.
Në lidhje me rastin është konsultuar prokurori i shtetit, rasti në procedurë hetimore.
Hetim i vdekjes
Gjilan, 26 prill 2023
Me datën 26.04.2023 rreth orës 16:37 stacioni policor në Gjilan, ka pranuar informacion se një mashkull kosovar është gjetur pa shenja jete. Vdekjen e viktimës e ka konstatuar ekipi mjekësor që ka dalë në vendin e ngjarjes.
Në vendin e ngjarjes përveç njësive policore ka dalë edhe prokurori. Viktima sipas familjarëve kishte pasur probleme shëndetësore. Me vendim të prokurorit trupi i pa jetë iu është liruar familjarëve.
Dhunë familjare
Gjilan, 26 prill 2023
Me datën 26.04.2023 rreth orës 07:00 nga Stacioni Policor Gjilan është arrestuar i dyshuari mashkull kosovar pasi që i njëjti pas një mosmarrëveshje kishte kanosur dhe kishte tentuar ta sulmoj viktimën mashkull kosovar.
Pas intervistimit me vendim të prokurorit i dyshuari është dërguar në mbajtje për 48 orë.
