Kujtohen e nderohen dëshmorët e Breznicës, Enver Bajrami e Sherif Januzi
Nw 23-vjetorin e rënies, kujtohen e nderohen dëshmorët e Breznicës, Enver Bajrami e Sherif Januzi.
Organizata e Veteranëve të Luftës së UÇPMB-së dhe Bshkësisë Lokale në Breznicë, kanë organizuar homazhe dhe kanë bërë vizitë te Varrezat e Dëshmorëve në Breznicë, në kujtim e nderim të jetës e veprës së Sherif Januzi e Enver Shabani, të rënë 23 vite më parë.
Siç njofton faqja “Breznica”, në këtë organizim përkujtues, kanë folur përfaqësues të OVL-së si dhe familjarë të dëshmorëve, të cilët kanë thënë se “dëshmorët Sherif Januzi dhe Enver Bajrami, do të kujtohen gjithmonë me mall e krenari, për sakrificën e tyre për lirinë e popullit shqiptar”.
P o s t i m i
23 vjetori i rënies së dëshmorëve të Breznicës
“Enver Bajrami & Sherif Jonuzi”
Dje më 21 prill, u bënë 23 vjet nga rënia heroike e dy dëshmorëve, Enver R. Bajrami dhe Sherif F. Jonuzi, të cilët për lirinë e shqiptarëve nuk kursyen as jetën e tyre.
Nën organizimin e OVL-së dhe Bashkësisë Lokale, u vendosën kurora lule nga familjarët, bashkëluftëtatët, veteranët, miqtë e shoqëria.
Fjalë rasti-përshëndetëse pati kryetari i OVL, Bejtullah Bejtullahu, si dhe familjarët, Kastriot Jonuzi e Medat Bajrami.
Do t’i kujtojmë gjithmonë me mall e krenari djemt tanë që sakrifikuan për ne. Lavdi u qoftë jetës dhe veprës së tyre për lirinë e shqiptarëve.
Breznicë, 21 prill 2023.
