Moti, nesër/sot, e diel 2 prill 2023 dhe ditëve në vazhdim!
Nesër në Kosovë do të mbajë mot relativisht u ngrohtë, me intervale të gjata kohore me diell dhe vranësira lokale. Pasdite vetëm në disa rajone priten rrebeshe afatshkurtra, të izoluara shiu me mundësi edhe për ndonjë bubullimë të rrallë.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot me intervale kohore me diell dhe vranësira lokale. Pasdite vetëm në disa vise priten rrebeshe afatshkurtra shiu me ndonjë bubullimë.
Të hënën nga jugu i Shqipërisë dhe Maqedonia Veriore do të vijë sistemi i vranësirave të dendura. Gjatë ditës do të fillojnë reshjet e shiut të cilat në orët e pasdites dhe mbrëmjes do të intensifikohen. Në mbrëmje vonë ose gjatë natës në shumë vise të Kosovës do të shndërrohen në reshje bore. Reshje bore priten edhe në veriperëndim të Maqedonisë së Veriut, lindje-verilindje të Shqipërisë dhe veri të Malit të Zi. Orëve të natës dhe mëngjesit të hershëm të së martës në Kosovë nganjëherë priten të dendura bore të cilat do të krijojnë shtresa sidomos në rrafshin e Kosovës dhe normalisht shtresa solide priten në viset kodrinore-malore. Disa nga ultësirat e Dukagjinit, Maqedonisë së Veriut, Luginës dhe thellë në Anamoravë mund të “shpëtojnë” pa reshje bore, megjithatë priten fjolla bore më vonë gjatë së martës.
Nga e marta ftohtë dhe me reshje të herëpashershme lokale bore, ndërsa gjatë mesjavës mund të kemi acar nëse do të kemi kthjellim të motit gjatë natës.
Burimi: /METEOBALLKAN
