Moti nesër dhe ditëve në vazhdim! (25.02.2023.) E Shtunë

Nesër në Kosovë na pret mot me intervale kohore me diell dhe vranësira herë pas hershme.

Erërat jugperëndimore do të fuqizohen, në shumë vise të Kosovës, ndërsa më të fuqishme priten në viset kodrinore-malore.

LEXO EDHE:

Sipas disa përllogaritjeve erërat më të fuqishme priten në rajonin e Gjakovës, Skenderajit, Klinës, Mitrovicës dhe Podujevës. Lokalisht edhe në vise tjera, por nuk priten ekstreme të mëdha.

Për shkak të rrymimeve ajrore nga jugperëndimi do të vazhdojë të jetë mjaft ngrohtë për këtë periudhë kohore.

Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot me vranësira dhe intervale kohore me diell. Do të vazhdojnë temperaturat e larta për këtë periudhë kohore. Në Mal të Zi dhe veri të Shqipërisë priten reshje lokale shiu, ndërsa riga ose rrebeshe afatshkurtra shiu priten edhe në disa vise të Kosovës.

Të dielën do të vazhdojë moti i ngrohtë, por priten më shumë vranësira dhe reshje lokale shiu. Paradite ende priten intervale kohore me diell vende-vende. Pasdite dhe në mbrëmje reshje shiu dhe rrebeshe lokale me vetëtima dhe bubullimë. Vende-vende priten rrebeshe intensive shiu, sidomos në Shqipëri, por lokalisht edhe në rajone tjera. Në mbrëmje vonë në veri të Malit të Zi do të fillojnë reshje të dendura bore. Gjatë orëve të natës dhe mëngjesit të së hënës reshje bore mund të ketë edhe në disa vise të Kosovës ku më shumë gjasa kanë veriu dhe verilindja e vendit. Temperaturat do të shënojnë ulje.

Nga e hëna na pret mot më i ftohtë, me reshje të shpeshta lokale shiu e bore, varësisht nga rajoni, temperatura, lartësia mbidetare etj.

Burimi: /MeteoBallkan