Komuna e Gjilanit dhe Biblioteka Fan S. Noli shpallin lexuesit më të mirë të vitit
Me rastin e shënimit të përvjetorit të 15-të të Shpalljes së Pavarsisë, Zyra e kryetarit të Komunës, e biblioteka “Fan S. Noli” në Gjilan, organizojnë ceremoni rasti ku do të zgjidhen lexuesit më të mirë të vitit 2022.
Tuana Shabani nga shkolla “Abaz Ajeti” – Gjilan; Arbana Musliu nga shkolla “Ramiz Cërnica” – Cërnicë; Rina Miftari nga shkolla e Mesme e Arteve në Gjilan, si dhe Bujar Shabani – i pasionuar ndaj librit, shpallen lexuesit më të mirë nga Biblioteka “Fan S. Noli” në Gjilan, gjegjësisht Zyra e Kryetarit të Komunës së Gjilanit.
Sipas njoftimit zyrtar nga Biblioteka, mësohet se ceremonia zyrtare e shpalljes së më të mirëve për vitin 2022, në funksion të nxitjes së leximit e studimit, do të mbahet të enjten më 16 shkurt 2023.
Sipas skenarit të paraparë, ceremonia do të përcillet me pika artistke e lexime të krijimeve poetike, me ç’rast do të ndahen mirënjohje për më të mirët nga Zyra e Kryetarit të Komunës.
