Tatum fantastik, Celtics marrin fitoren e radhës në NBA
Boston Celtics kanë vazhduar me fitore në elitën e basketbollit amerikan NBA.
Në ndeshjen e zhvilluar në TD Garden, Celtics morën fitore ndaj Charlotte Hornets me 11 pikë diferencë 127:116.
Ka qenë një sfidë e dominuar nga vendasit që nga fillimi deri në fund të saj, me Celtics që krijuan epërsi dhe e ruajtën atë.
Jayson Tatum ishte fantastik në këtë duel me 41 pikë, katër kërcime e katër asistime.
Me lojë të mirë te vendasit u dallua edhe Derrick White që shtoi 33 pikë dhe shtoi 10 asistime.
Te mysafirët më i dalluari ishte Rozier me 27 pikë si dhe Lamelo Ball me 24 të tjera, por që nuk mjaftuan për fitore.
