Muriqi për ‘Marca’: Kam filluar të punojë si nëntëvjeçar
Ylli kosovar i Mallorcas, Vedat Muriqi në një intervistë për ‘Marca’, ka rrëfyer rrugën e vështirë të fëmijërisë së tij.
Asi i ‘Dardanëve’ thotë se si nëntëvjeçar ka filluar të punojë për ta ndihmuar familjen e tij. Muriqi thotë se kishte lënë shkollën për të punuar.
“Kam filluar të punojë si nëntëvjeçar, në një restorant që ishte e dajve të mi. Aty kam punuar gjithçka, kamerier, kam ndihmuar në kuzhinë, pra deri në moshë 16 vjeçare derisa shkova në Shqipëri. Unë punoja për ta ndihmuar nënën dhe motrën, pasi që isha i vetmi që mund ta ndihmoja familjen. Babai im vdiq në luftë. Ai kishte edhe shkollë edhe futboll dhe kjo ishte arsyeja se pse unë vendosa ta lë shkollën, sepse s’mund ta lija futbollin. Kjo është jeta ime. E di që nuk kam bërë mirë duke lënë shkollën. Mund të them se kam qenë shumë me fat”, ka thënë Muriqi.
28-vjeçari tashmë është një nga lojtarët më të rëndësishëm te ekipi spanjoll Mallorca.
Muriqi në 14 ndeshje për Mallorcan ka shënuar tetë gola, dhe ka bërë një asistim.
