U pensionua Ekrem Kryeziu, profesor i Gjuhës dhe Letërsisë Shqipe në Gjimnazin Natyror “Xhavit Ahmeti” në Gjilan
Pas punës sw gjatw pwr dekada me radhw në arsim është pensionuar Ekrem Kryeziu, profesor i Gjuhës dhe Letërsisë Shqipe në Gjimnazin Natyror “Xhavit Ahmeti” në Gjilan.
Ekrem Kryeziu është i lindur në Roganë të Komunës së Kamenicës në vitin 1958. Shkollën Fillore e ka përfunduar në Gjilan, kurse shkollimin e mesëm poashtu nw Gjilan, në Gjimnazin “Zenel Hajdini”.
Studimet për Gjuhë dhe Letërsi Shqipe i ka mbaruar në Fakultetin e Filologjisë të Universitetit të Prishtinës në vitin 1982. Thuhet tw ketw qenw njwri nga studentët më të dalluar të gjeneratës, andaj edhe iu mundësua vazhdimi i studimeve në shkallën e tretë, mirëpo një vit më pas, në vitin 1983 u punësua në Shkollën e Mesme Teknike “Mehmet Isai” në Gjilan.
Pas kryerjes së shërbimit ushtarak punoi në Mbrojtjen Popullore, por pas grevës së organizuar nga Sindikata e Kosovës është larguar nga puna. Në vitin 1998 sërish kthehet në arsim, në Gjimnazin “Zenel Hajdini” në Gjilan, e më pas kaloi në Gjimnazin Natyror “Xhavit Ahmeti”, ku vazhdoi punën deri në pension.
Për vite me radhë ai ishte aktiv në organizimin e orëve letrare e të programeve kulturore-artistike në shkollë, kudo ku punoi, andaj për punën e bërë disa herë është shpërblyer me mirënjohje.
Profesori Ekrem Kryeziu është gjysh i disa nipave e mbesave, kurse gjatë punës së tij në arsim gjithnjë është mbajtur në mend për pedanterinë, përgatitjen profesionale, respektin që kishte ndaj nxënësve e kolegëve dhe për qasjen e tij pozitive.
Ai shquhet edhe për nivelin intelektual, pendantërinë në punë, çasjen tejet profesinale në raport me nxënës e prindë, përkushtimin permanent për t’u dalë në ndihmë me këshilla, sygjerime e trajtime nxënësve, vlerësime adekuate e të bazuara mbi bazën reale të afiniteteve të nxënësve dhe njohurive të marra të tyre, por edhe shumë faktorë tjerë që e bënin unik në punën e tij. Pa dyshim që në punën e tij permanente e të përkushtuar vlen të përmendet korelacioni me nxënësit dhe njohja deri në detaje e të arriturave të tyre gjatë procesit semestral e vjetor!
Padyshim se përkushtimi i profesorit Ekrem Kryeziu për procesin edukativo – arsimor dhe në kuadër të tij edhe raporti me nxënës e prindë ka qenë i veçantë e i afërt.
Kuadro si Prof. Ekrem Kryeziu kanë qenë në vazhdimësi fanar të dijes së transmetuar, mësimit e avancimit për gjeneratat e reja, ndaj kontributi i tij meriton vlerësim maksimal nga kolegët, nxënësit, miqtë dhe mbarë opinioni i gjërë arsimdashës.
Tv Gjilani News i uron shëndet të plotë e jetë të gjatë profesorit Ekrem Kryeziu.
