Rrjeti Panshqiptar i Diasporës përshëndet vendimin e Gjykatës Kushtetuese për votën e diasporës
Rrjeti Panshqiptar i Diasporës përshëndet vendimin e Gjykatës Kushtetuese për votën e diasporës që kanë të drejtë të zgjedhin dhe të zgjidhen.
Silvana Begaj përmes të një postimi në Facebook, shkruan se i kërkojnë Komisionit të Reformës Zgjedhore që të zbatojnë vendimin e Gjykatës Kushtetuese në Kodin e ri zgjedhor.
“Ne i kërkojmë në mënyrë të vecantë Komisionit të Reformës Zgjedhore në Parlamentin e Shqipërisë, deputetëve pjesëmarrës nga të dyja palët, që në mënyrë konsensuale të përshtasin e zbatojnë këtë vendim të Gjykatës Kushtetuese në reformën e Kodin e ri zgjedhor që pritet të miratohet nga Parlamenti Shqiptar”, thuhet në adresim.
“E drejta e votës së emigrantëve shqiptarë në Diasporë është një e drejtë e shenjtë. Këtë askush nuk mund të na e mohojë”, thuhet më tej.
Në vlerësimin nga Rrjeti Panshqiptar i Diasporës, në fund theksohet se ky mekanizëm do ta ndjekë me prioritet të vecantë këtë proces deri në garantimin e plotë të së drejtës së votës për shqiptarët jashtë Shqipërisë.
