Mallorca i falet Vedat Muriqit ndaj Atletico Madridit, goli i sulmuesit shqiptar vendosi takimin
Mallorca e ka mposhtur Atletico Madridin me rezultat 1-0, në kuadër të javës së 14-të në Liga Liga, ndërsa golin e vetëm në këtë përballje e shënoi Vedat Muriqi.
Ndeshja nisi mirë për vendasit që shënuan që në rastin e parë para portës.
Ishte tashmë i zakonshmi Vedat Muriqi që përfitoi nga një top i kthyer i Jan Oblak që priti gjuajtjen e Jaume Costa, duke gjetur rrjetën për herë të tetë këtë sezon.
Atletico Madridi shënoi në minutën e 21-të, kur Alvaro Morata gjeti rrjetë, por goli u anulua nga VAR për pozitë jashtëloje.
Pjesa e parë nuk solli më raste dhe skuadrat shkuan në pushim.
Deri në fundin e ndeshjes nuk kishte më raste të mira, por në minutat e fundit Atletico ka mundur edhe të marr barazim.
Morata lëshoi rast të mirë nga afër për të shënuar për 1-1, pasi portieri vendas bëri pritje të madhe.
Në minutën e 87-të, Vedat Muriqi doli nga fusha për t’u zëvendësuar, ndërsa i gjithë stadiumi u ngrit në këmbë për ta duartrokitur për paraqitjen.
Më këtë fitore Mallorca ngjitet në vendin e dhjetë me 19 pikë, ndërsa Ateletico Madridi ka 24 pikë dhe mban vendin e gjashtë.
