900 metra në Merdare dhe 800 metra kolona te Dheu i Bardhë, mërgimtarët po presin deri në dy orë
Me kthimin e mërgimtarëve, kolona të gjata po krijohen këto ditë në dalje të pikave kufitare me Kosovën.
Sipas të dhënave të fundit, mërgimtarët po presin gati deri në dy orë te pika kufitare Dheu i Bardhë, ku në dalje kolona është 800 metra. Gjithashtu pritje ka edhe në hyrje të kësaj pike, me një kolonë prej 150 metra.
Deri në gjysmë ore, qytetarët po presin për të dalë nga Jarinja, ku kolona aty është deri në 100 metra. Gjithashtu edhe pika në Merdare është më e ngarkuar. Aty kolona ka shkuar 900 metra, dhe mërgimtarët po presin deri në dy orë për të dalë nga Kosova.
