Kolona në Dheu i Bardhë, pritjet për hyrje në Kosovë shkojnë deri në 50 minuta
Qytetarët që planifikojnë të hyjnë në Kosovë përmes pikës kufitare Dheu i Bardhë duhet të llogarisin në pritje deri në 50 minuta.
Sipas të dhënave të publikuara nga Qendra Kombëtare për Menaxhim Kufitar, kolona e automjeteve në hyrje të kësaj pike kufitare ka arritur në rreth 200 metra.
Ndërkohë, në pikat e tjera kufitare, si dhe për daljen nga Kosova përmes pikës kufitare Dheu i Bardhë, pritjet janë dukshëm më të shkurtra, duke zgjatur deri në 10 minuta.
