Zhduket një 14-vjeçare në Gjilan, policia nis kërkimet
Një vajzë 14-vjeçare është raportuar e zhdukur në Gjilan, pasi që prej 13 marsit familja e saj nuk ka arritur të ketë asnjë kontakt me të.
Rasti është paraqitur në Policia e Kosovës, në stacionin policor në Gjilan, rreth orës 00:55 të 15 marsit. Sipas raportimit të nënës së saj, L.B., vajza me inicialet R.K. ishte larguar nga shtëpia më 13 mars rreth orës 13:00, duke u nisur për në shkollën Shkolla Fillore “Musa Zajmi”.
Sipas deklarimit të familjes, e mitura është parë po atë ditë rreth orës 14:00 në shoqërinë e një personi rreth 20-vjeçar, i identifikuar me inicialet E.B.
Kontakti i fundit me të është realizuar përmes rrjeteve sociale, ku ajo kishte njoftuar se ndodhej te një shoqe. Që nga ora 18:00 e 13 marsit, familjarët nuk kanë arritur të komunikojnë më me të, ndërsa telefoni i saj rezulton i fikur.
Policia ka bërë të ditur se ka nisur veprimet për lokalizimin e të miturës dhe për sqarimin e rrethanave të zhdukjes. Rasti po trajtohet në koordinim me prokurorin kujdestar.
Autoritetet u kanë bërë thirrje qytetarëve që, nëse kanë ndonjë informacion për vendndodhjen e të miturës, ta njoftojnë menjëherë policinë.
