Vjen vala e parë e nxehtësisë, temperaturat deri në 35°C. Por ja në cilat ditë priten reshje shiu!
Pas një kohë mjaft të gjatë me mot të paqëndrueshëm dhe me temperatura jo aq të larta, gjatë kësaj jave do të kemi depërtimin e masave të ngrohta ajrore me origjinë nga Afrika veriore.
Megjithatë, këto masa nuk do të jenë krejtësisht stabile. Nën këto kushte, moti do të karakterizohet me diell dhe vranësira të pakta, të cilat nga dita e Martë e deri të Premten, në njëfarë mënyre do të rrezikohen nga ndonjë rrebesh i izoluar në zona të caktuara gjatë orëve të pasditës, sidomos në mesjavë, duke mos përjashtuar mundësinë edhe për ndonjë shkarkesë elektrike.
E gjithë kjo situatë në fundjavë do të pasohet nga masa të lagështa dhe të freskëta, duke sjellur rrebeshe shiu, shkarkesa të forta elektrike dhe ulje të temperaturave deri në 20°C.
Era do të fryjë e lehtë dhe mesatare në ditët vijuese nga drejtimesh të ndryshme, ndërsa në fundjavë pritet kohë pas kohe të jetë e fuqishme, me shpejtësi me shpejtësi 10-50 km/h!
Temperaturat minimale do të luhaten prej 10 deri në 19°C, ndërsa ato maksimale prej 20 deri në 35°C.
Vlerat më të larta do të regjistrohen nga dita e Martë deri të Premten, ndërsa në fundjavë pritet ulje e theksueshme e tyre.
Burimi: /MeteoKosova/
