Vizita e sekretarit gjeneral të NATO-s në Prishtinë, policia del me një njoftim me rëndësi

Me rastin e vizitës së shefit të NATO-s, Mark Rutte në Kosovë ditën e nesërme, Policia e Kosovës ka bërë të ditur se do të ketë ndërprerje të përkohshme të qarkullimit të trafikut, shkruan Gazeta Online Reporteri.net.

Bllokimi përkohësisht i rrugëve do të jetë në disa segmete rrugova ku pritet të kalojë eskorta si dhe në afërsi të objekteve shtetërore.

Njoftimi:

Me datën 10 dhe 11 mars 2025, në Republikën e Kosovës, do të qëndrojë për vizitë një delegacion i lartë i NATO-s i kryesuar nga sekretari Gjeneral i saj, z. Mark RUTTE.

Policia e Kosovës, gjatë kësaj vizite, do të kujdeset për ruajtjen e rendit dhe qetësisë publike gjatë kohës së lëvizjes së eskortës dhe kohës së qëndrimit të delegacionit në Republikën e Kosovës.

Për të mundësuar qarkullim të lirë të eskortës sipas itinerarit të lëvizjes si dhe zhvillimin e aktiviteteve sipas agjendës së vizitës, Policia e Kosovës do të bëjë ndërprerje të përkohshme të qarkullimit të trafikut (në intervale të shkurtra kohore) të disa segmenteve rrugore (ku pritet të kalojë eskorta) dhe në afërsi të objekteve shtetërore, ku do të ketë riorientim të trafikut në rrugë alternative, andaj Policia e Kosovës kërkon mirëkuptim të plotë nga ana e qytetarëve dhe pjesëmarrësve në trafik.