VIDEO – Xherdan Shaqiri: “Do ta kem shumë vështirë të luaj kundër Kosovës!”
Futbollisti me origjinë nga Kosova, saktësisht nga Zhegra e Komunës së Gjilanit, i cili luan për Kombëtaren e Zvicrës në futboll, në një intervistë ekskluzive për prestigjiozen “The Guardian”, ka folur për prejardhjen e tij si dhe entusiazmin emocional për ndeshjen e 9 shtatorit, Kosovë – Zvicër, në “Fadil Vokrri”, në kuadër të fazës kualifikuese për “Euro 2024”, Grupi I.
Shaqiri përshkruan ndjesitë e tij, duke potencuar faktin paraprakisht se do ta ketë shumë vështirë, marrë parasysh një sërë ngjarjesh që e kanë përjellur dhe karakterizuar rrjedhën e karrierës së tij profesionale.
Xherdan Shaqiri:
“Natyrishtm, unë luaj për Zvicrën,
por jam i lindur në Kosovë dhe i dua të dy vendet,
Ata tash janë në grup me ne në kalifikimet për Euro 2024,
dhe mezi pres të luaj ndaj Kosovës …
Por, do të jetë vështirë për mua (Qesh),
Do të jetë moment krenarie për mua …
dhe do ta shijoj çdo moment që do të luaj,
… sepse e tërë familja ime vjen dhe do ta shijojnë edhe ata,
… Dhe mezi po e pres ndeshjen”
Kujtojmë që Zvicra kryeson tabelën e grupit I me pikë maksimale nga dy ndeshje të zhvilluara, gjithsej 6, krahas Kosovës e cila aktualisht është e treta në radhitjen tabelare me 2 pikë të fituara nga dy ndeshje mjaft befasuese të zhvilluara, njërën për të mirë ndaj Izraelit, e tjetrën për t’u harruar sa më parë ndaj Andorës në “Fadil Vokrri”.
