Vendi i tij kishte nevojë për të, la karrierën e pasur si futbollist për ta kapur armën – vritet lojtari ukrainas
Futbollisti Mykola Zhidkov, i cili u kthye në Ukrainë nga Polonia për ta mbrojtur vendlindjen e tij nga pushtuesit rusë, është vrarë duke luftuar. Kështu bëhet e ditur në faqen e klubit të futbollit Wegrzcanka në rrjetin social Facebook.
“Lojtari i LKS Węgzcanka, i cili u kthye në Ukrainë vjeshtën e kaluar për të mbrojtur me guxim familjen, miqtë dhe atdheun e tij nga agresioni rus, vdiq në luftë në kufirin tonë lindor”, thuhet në njoftim.
“Mickey ishte një djalë shumë i mirë dhe i sjellshëm, nuk kishte një person që e njihte dhe nuk e donte. Kur ishte në fushë, ai luftoi me të gjitha forcat për t’i sjellë fitoren ekipit të tij, dhe kur erdhi puna për të luftuar për lirinë e vendit të tij, ai sakrifikoi atë që mund të bëjë një person në një moshë kaq të re – sakrifikoi jetën e tij”, shtoi klubi.
Çfarë dihet për Mykola Zhidkov
Dihet se futbollisti ka luajtur për klubin polak të futbollit “Wegrzcanka” nga viti 2020 deri në vitin 2022.
Në nëntor në faqen e klubit kishte një njoftim që Zhidkov vendosi të kthehej në Ukrainë për të mbrojtur kufijtë e saj. Ata publikuan pamjet e një lamtumire prekëse ndaj tij.
“Mickey, ti edhe një herë na dëshmon të gjithëve se nuk je vetëm një futbollist i madh, por mbi të gjitha, një person i madh”, shkruan ata.
