Vdes zyrtari i Policisë së Kosovës, Adem Syla
Ka vdekur të hënën Adem Syla, zyrtar i Policisë së Kosovës në Stacionin e Policisë në Kamenicës.
Lajmin e ka bërë të ditur sot komandanti i stacionit policor në Kamenicë, Florim Klaiqi. Ai është shprehur i trishtuar nga lajmi i hidhur i vdekjes së kolegut të tij, të cilin e ka cilësuar profesionist të madh në fushën e zbatimit të ligjit.
“Jemi të trishtuar nga ky lajm i hidhur, na la zyrtari Policor Adem Syla, një profesionist i madh në fushën e zbatimit të ligjit, i cili na tregoj se në secilën punë duhet të tregohen parimet njerëzore dhe morale”, ka thënë Klaiqi.
“Një burrë i vendosur me karakteristika të veçanta, mburrem që të pata koleg”, ka vijuar komandanti i Stacionit Policor në Kamenicë.
