Valantina Bunjaku – Rexhepi publikon pamje nga takimi i FG-së të LDK-së në Gjilan, konfirmon unitetin e strukturave të partisë në mbështetje të kandidatit të nominuar për kryetar, Arbër Ismajli
Sot, Forumi i Gruas në Gjilan mbajti një takim të rëndësishëm me Kryetarin e Degës z. Lutfi Haziri dhe kandidatin për kryetar të Komunës së Gjilanit, z. Arber Ismajli, ka shkruar Bunjaku-Rexhepi.
“Si kryetare e Forumit të Gruas, së bashku me kryesin e forumit në degën tonë, i japim mbështetje të palëkundur kandidaturës së z. Ismajli”, ka theksuar më tej ajo, raporton TV Gjilani.
“Me energji, bashkëpunim dhe angazhim të plotë, jemi të gatshme të kontribuojmë fuqishëm për fitoren në zgjedhjet komunale”, ka shtuar znj.Bunjaku Rexhepi, pas takimit, duke nënvizuar se do të vazhdohet së bashku në proceset e mëtejme.
“Vazhdojmë bashkë, për Gjilanin që e duam!”, ka përfunduar ajo.
