Uta Ibrahimi “pushton” majën “Dhualagiri” në Nepal, 8167 m – kujton “aventurën” e parë me Bibin e ndjerë
Aventurat e Uta Ibrahimi nga Gjilani duket se nuk kanë fund, ndërsa rekordet dhe sukseset e saj sikur s’kanë të sosur!
Ajo ka shënuar një tjetër rezultat impresiv në ngjitjen e radhës në Nepal, duke ‘pushtuar” majen “Dhualagiri” – 8167 metra në tentimin e saj të tretë, ndërsa ka evokuar kujtime nga tentativa e parë me kolegun e saj, tashmë të ndjerë!
“Me 17 – 18 Maj rreth orës 5.30 (Nepal) e ngjita Majën Dhaulagiri 8167m ( tentimi i trete). Në vitin 2021 ishte tentimi i parë në Dhaulagiri, gjatë ngjitjes e kuptova që Bibi na la fizikisht përgjithmonë . Në tentimin e tretë, Dhaulagirin e ngjita bashk me BIBIN, për ditëlindjen e tij”, ka shkruar ajo në shenjë përkujtimi.
Postimi i plotë:
Dhaulagiri 8167 
Me 17 – 18 Maj rreth orës 5.30 (Nepal) e ngjita Majën Dhaulagiri 8167m ( tentimi i trete).
Në vitin 2021 ishte tentimi i parë në Dhaulagiri, gjatë ngjitjes e kuptova që Bibi na la fizikisht përgjithmonë 
Në tentimin e tretë, Dhaulagirin e ngjita bashk me BIBIN, për ditëlindjen e tij 
Kemi festu bashk gjatë krejt ecjes, edhe në mot e erë të egër, edhe kur energjinë e kisha 0, edhe kur nuk e dijshim se kah kemi me shku, BIBI m’ka dhon forcë edhe energji .. që me vazhdu deri ma së nalti … si gjithmonë BIBI
Urime Ditëlindjen Bibi. Sikurse çdo sukses i jemi të takon ty, por Dhaulagiri është veq për ty
Faleminderit për kujtimet e mira që mi ke dhuru në jetë. Faleminderit për njerin që m’ke bo 
Bibi
