Lajmi i Fundit nga Futbolli: Turneu “Rogana 2023” – të hënën mysafir nderi, Donat Rrudhani
Turneu i futbollit “Rogana …” që është tradicional ndër vite, secilin edicion sjellë risi për të mbajtur gjallë dhe avancuar jehonën e masovitetin që e ka përcjellur për dekada të tëra sportin më të popullarizuar – Futbollin – në këto treva!
Në mesin e shumë lojtarëve potencial që kanë dalur nga kjo vatër e futbollit, e që kanë lënë gjurmë të pashlyeshme nëpër ekipet e tyre në Kosovë e diasporë, është padyshim edhe njëri nga lojtarët e ekipit përfaqësues të Kosovës, i cili mbronë ngjyrat e skuadrës elitare të kampionatit zviceran Young Boys, Donat Rrudhani.
Për ta përcuar më tej namin e mirë që ka futbolli në komunën e Kamenicës, saktësisht në Roganë e rrethinë, organizatori i turnirit “Rogana 2023” këtë vit është përkujdesur që të sjellë para tifozëve idhullin e tyre, që padyshim është i lidhur me këtë sport e me këtë turnir, madje edhe për shkak të trashëgimisë nga paraardhësi i tij, babai Ismajl Rrudhani, një ish futbollist i njohur Roganas e më gjërë gjatë viteve 90-të.
Sipas organizatorit, bëhet e ditur në faqen zyrtare të Turneut “Rogana…” se Donati pritet të vijë në vendlindje gjatë ditës së hënë, dhe rrjedhimisht do të jetë pjesë e pashmangshme e turneut për ta nderuar atë, pasi edhe vendbanimi i tij i origjinës është fare afër terrenit ku zhvillohen garat.
Ai madje vite më parë ka marrë pjesë edhe vet në cilësinë e futbollistit, kur sapo kishte filluar asokohe të merrej aktivisht me futboll në kategoritë e grupomshave në Zvicër, ndaj pjesëmarrja në këtë turnir qoftë edhe në cilësinë e shikuesit, do të jetë një satisfaksion për vet atë, roganasit dhe mbarë opinion sportdashës.
