Toger Ismet Hashani paraqitet nga Tanzania, kontribuon në hapjen e pusi shumë të rëndësishëm, të emërtuar me emrin e policit heroi, Afrim Bunjaku

Toger Ismet Hashani paraqitet nga Tanzania, ku është hapur pusi që mbanë emrin e heroit të Kosovës, policit Afrim Bunjaku.

Njoftimi i plotë:

Të dashur miq

Dëshiroj të ju njoftoj se sot me 27 shtator 2023, kam marr pjesë në përurimin e një burimi të ujit të pijshëm në shtetin mik të Tanzanisë në Afrikë.

Sipas toger Ismet hashanit, ky burim i shpuar në thellësi mbi 90 m, do të shuaj etjen e shumë familjeve, më mijëra banorë të disa fshatrave në distriktin Moshi.

“Jam i lumtur dhe krenar se ky burim i ujit i hapur me ndihmën e njerëzve bamirës nga Republika e Kosovës, qyteti i Gjilanit, nga sot do ta mbajë emrin e Heroit – Rreshter Afrim Bunjaku, i cili ra heroikisht në mbrojtje të atdheut dhe demokracisë se shtetit tonë, duke rënë në altarin e lirisë e për të mos vdekur kurrë:, ka shkruar Hashani.

Ne do të vazhdojmë ta mbrojmë vendin tonë, ta promovojmë vendin tonë dhe ne do ta duam republikën tonë.

“Të nderuar miq, familjar, kolegë e kolege, vëllezër e motra, në momentin kur do të shohim peripecitë e njerëzve nëpër botë që me kilometra të tëra bartin dhe nuk kanë ujë të pijshëm, nuk rrugë, nuk kanë rrymë, nuk kanë ushqim për të ngopur fëmijët e tyre, sakrifica jonë në tokën e Kosovës, si një vend i bekuar duhet të jetë në vazhdimësi dhe pa shpërblim”, ka shkruar tutje toger Ismet Hashani.

Ju përshëndes, Togeri Ismet Hashani, Moshi, (Chemka) Tanzania – 27 shtator 2023, ka përfunduar toger Ismet Hashani.